Horfa á eftir Stein­grími úr for­stjórastólnum og spara 180 milljónir á ári

„Ekki verður ráðið í starf fjármálastjóra samstæðu í stað Brynjars og jafnframt er gert er ráð fyrir að tilfærsla verkefna, kostnaðarhagræði og einföldun á starfsemi móðurfélags skili allt að 180 milljónum króna í árlega lækkun kostnaðar á samstæðugrunni,“ segir í tilkynningu frá Skaga til Kauphallar. Auk Fossa tilheyra Vátryggingafélag Íslands (VÍS) og Íslensk verðbréf samstæðu Skaga.

Stjórn Skaga er sögð hafa samþykkt uppfærðar áherslur í stefnu félagsins sem miði að því að auka arðsemi eftir umbreytingar síðustu ára en VÍS keypti Fossa árið 2023.

„Niðurstaðan eru aðgerðir í átt að einfaldara stjórnskipulagi og auknu hagræði af rekstri samstæðunnar. Þá verður ráðist í sértæk verkefni sem miða að því að nýta styrkleika samstæðunnar til að ná fram hagkvæmari fjármagnsskipan og auka samningsbundnar tekjur í fjármálastarfsemi.“

Með breytingunum stígur Brynjar úr hlutverki fjármálastjóra Skaga en situr áfram í framkvæmdastjórn samstæðunnar. Hann tekur við forstjórastöðunni frá og með næstu mánaðamótum.

„Steingrímur mun vera félaginu áfram til ráðgjafar í þágu lykilviðskiptasambanda, þróunar viðskipta við erlenda aðila og annarrar tekjusköpunar félagsins,“ segir í tilkynningu.

Fréttin er í vinnslu.