Besta sætið: Hættið þessu rugli og fagnið mörkunum ykkar

Besta deildin fór af stað með miklum glæsibrag. Skorað í öllum leikjum sem hafði ekki gerst síðan 2003. Nýliðar Þórs skelltu Valsmönnum og KR slapp með skrekkinn.

Leikmenn sem fagna ekki mörkum gegn gömlum félögum fengu á baukinn í þættinum. Sérstaklega þó Keflvíkingurinn Stefán Ljubicic.

Masters-mótið í golfi var frábært en þar náði Rory McIlroy þeim magnaða árangri að verja titilinn. Hann er aðeins fjórði kylfingurinn í sögunni sem nær þeim árangri. Síðast gerði Tiger Woods slíkt hið sama árið 2002.

Stelpurnar okkar skriðu inn á sitt fjórða stórmót í röð og svo eru Valsmenn að hóta því að sópa KA-mönnum í frí í undanúrslitum Olís-deildar karla.

Svo geta KR-konur hent Keflavík í frí í kvöld er liðin mætast í fjórða sinn.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.