Kristín Evrópu­meistari og bætti tvö heims­met

Hin 42 ára gamla Kristín, sem er dýralæknir úr Borgarfirði, hafði áður orðið Evrópumeistari árið 2021 en hefur bætt sig enn frekar síðan þá og er nú aftur Evrópumeistari, í -84 kg þyngdarflokki.

Kristín lyfti samtals 567,5 kg og hafði betur í afar spennandi keppni við hina þýsku Önnu Ieronimos sem lyfti 2,5 kg minna. Kristín hlaut tvenn gullverðlaun því auk þess að vinna samanlagt þá lyfti hún mest allra í hnébeygju (e. squat), eins og sjá má hér að neðan.

Í hnébeygjunni í dag byrjaði hún á 205 kg, lyfti næst 215 kg og endaði svo á að lyfta 225 kg. Það er nýtt heimsmet og Evrópumet í öldungaflokki 1.

Í bekkpressunni byrjaði Kristín á 112,5 kg og reyndi svo tvívegis við 117,5 kg, sem tókst í seinni tilrauninni.

Í þriðju og síðustu greininni, réttstöðulyftu, tókst Kristínu svo að lyfta mest 225 kg og setja annað heimsmet og Evrópumet í öldungaflokki 1.

Samanlagt lyfti Kristín því 567,5 kg, eða 7,5 kg meira en þegar hún varð Evrópumeistari í fyrsta sinn, fyrir fjórum árum.