Sport

Besta sætið: Trúa á krafta­verk hjá Breiðhyltingum

Henry Birgir Gunnarsson skrifar
ÍR og Haukar berjast á sitt hvorum endanum í kvöld.
ÍR og Haukar berjast á sitt hvorum endanum í kvöld. vísir/Anton

Það var farið um víðan völl í hlaðvarpi íþróttadeildar, Besta sætinu, í dag enda nóg um að vera í íþróttalífinu.

Valur Páll Eiríksson, Henry Birgir Gunnarsson og Sindri Sverrisson gerðu upp risakvöldið í Meistaradeildinni í gær þar sem ýmislegt gekk á.

Lokaumferðin í Olís-deild karla var einnig til umræðu en hún er stór og allir leikir skipta máli. Þrjú lið geta tekið deildarmeistaratitilinn og þrjú lið geta fallið.

Þriðja síðasta umferðin í Bónus-deild karla hefst í kvöld og þar verða flestra augu á leik Þórs og Ármanns. Ármann getur nefnilega hent Þór í fallsæti með sigri sem væru mikil tíðindi.

Einnig er hörð barátta um síðasta sætið í úrslitakeppninni þar sem Álftanes þarf sárlega sigur á ÍR. Njarðvík er í baráttunni með þeim liðum og mætir Valsmönnum í kvöld.

Hlusta má á þáttinn hér að ofan eða neðan en Besta sætið er aðgengilegt á öllum helstu hlaðvarpsveitum. Þátturinn er á dagskrá alla virka daga.




Fleiri fréttir

Sjá meira


×