Tóti og Ósk eiga von á túrbóbarni

Tóti og Ósk eru lukkuleg í sameiginlegri færslu sem þau birtu á Facebook í kvöld. Þau hafa verið saman í nokkur ár. Hún er menntaður hjúkrunarfræðingur og er að læra ljósmóðurfræði í Háskóla Íslands.

Tóti gekk til liðs við uppeldisfélagið KR á nýjan leik sumarið 2024 en hann er uppalinn í Vesturbænum. Þá skrifaði hann undir tveggja ára samning við félagið. Þar áður hafði hann lokið tímabili með Tindastóli.

Hann lék sinn fyrsta meistaraflokksleik með KR aðeins 16 ára gamall.  Margir telja hann með betri körfuknattleiksmönnum Íslands en hann varð þrisvar sinnum Íslandsmeistari og tvisvar sinnum bikarmeistari með liðinu.

Alls á Tóti 29 landsleiki fyrir Ísland en hann keppti í leik Íslands á móti Litháen þann 27. febrúar.  Hann hefur einnig gert góða hluti í Bandaríkjunum þar sem hann spilaði með Nebraska-háskólanum frá 2017 til 2021.