Frekur Gordon minnti á Shearer og bætti marka­met hans

Fyrirliði liðsins í leiknum, Kieran Trippier, stakk upp á því að Woltemade fengi að taka vítið en Gordon fiskaði spyrnuna og neitaði að afhenda honum boltann.

Gordon skoraði síðan úr vítinu og tók þar með fram úr Alan Shearer sem markahæsti leikmaður Newcastle í sögu Meistaradeildarinnar.

Með fernunni í gær hefur Gordon skorað tíu mörk fyrir Newcastle í Meistaradeildinni en Alan Shearer skoraði níu sinnum í Meistaradeildinni á sínum tíma.

„Við erum allir þessum saman, en ég er sóknarmaður og vítaskytta liðsins, svo ég vil að sjálfsögðu skora eins mörg mörk og ég mögulega get“ útskýrði Gordon eftir leik.

BBC rifjaði upp sambærilegt atvik hjá Alan Shearer árið 1999, í leik gegn Sheffield Wednesday í ensku úrvalsdeildinni. Þar var Shearer nú þegar kominn með fjögur mörk á blað þegar Newcastle fékk víti.

Paul Robinson spurði Shearer þá góðfúslega hvort hann mætti taka vítið en markahrókurinn hélt nú aldeilis ekki og benti honum á hvar hann ætti að standa meðan hann skoraði sjálfur úr spyrnunni.