Þau þykja skara fram úr í ís­lenskri tón­list

Dómnefnd verðlaunanna hefur nú farið yfir nærfellt 500 útgáfur sem komið hafa út á árinu, valið þær plötur er hljóta tilnefningar til Kraumsverðlaunanna í ár og skipa þar með Kraumslistann 2025. 

Í fréttatilkynningu segir: 

„Mikil fjölbreytni einkennir tilnefningarnar í ár sem endurspeiglar þá miklu gósku er ríkir í íslensku tónlistarlífi.

Hluti þeirra listamanna sem eru tilnefnd til Kraumsverðlaunanna í ár eru að koma fram á sjónarsviðið með sínar fyrstu plötur. 

Í tilnefningunum má einnig finna listamenn sem hafa sett mark sitt á íslenskt tónlistarlíf síðustu ár eða áratugi og eru að senda frá sér tónlist sem sýnir á þeim nýjar hliðar eða eru merkisskref í nýja átt.“

Hér má sja lista yfir tilnefningarnar í ár:

• Alaska1867 - 222
• Ásta - Blokkarbarn
• Birnir - Dyrnar
• Bjarki - A Guide To a Hellthier Lifestyle
• BKPM - Bíddu Ha?
• godchilla - psionic-dreams
• Gróa - Drop P
• Jóhannes Pálmason - Í formi úlfs
• knackered (Ida Juhl) - fyi
• KUSK & Óviti - RÍFAST
• LaFontaine - Í henglum alheimsins
• LucasJoshua - Meyja
• Páll Óskar & Benni Hemm Hemm - Alveg
• RAKEL - a place to be
• ROR (Gyða Valtýsdóttir & Úlfur Hansson) - Auga
• Skurken - Nótt
• Spacestation - Reykjavík Syndrome
• Stilluppsteypa - Schokolino Choco Loco
• symfaux - mowerpic
• Yul4ik&Einar - Cruel Baboon's Dilemma

Í spilaranum hér fyrir neðan má hlusta á lagið LXS með Birni af plötunni Dyrnar:

Kraumsverðlaunum er ætlað að kynna plötuútgáfu íslenskra listamanna og hljómsveita. Verðlaunin eru ekki bundin ákveðinni tónlistarstefnu og þeim fylgja engir undirflokkar. 

Alls hafa hátt í eitt hundrað listamenn og hljómsveitir hlotið Kraumsverðlaunin fyrir plötur sínar frá því þau voru fyrst veitt árið 2008, flest snemma á ferlinum.