Sport

Annar risatitillinn kom gegn efstu konu heimslistans

Hjörtur Leó Guðjónsson skrifar
Coco Gauff er búin að vinna tvö risamót á ferlinum.
Coco Gauff er búin að vinna tvö risamót á ferlinum. EPA-EFE/MOHAMMED BADRA

Bandaríska tenniskonan Coco Gauff fagnaði sigri á Opna franska meistaramótinu í tennis í dag.

Gauff, sem situr í öðru sæti heimslistans, mætti hinni hvít-rússnesku Aryönu Sabalenku, sem trónir á toppi heimslistans, í úrslitum á Roland Garros í dag. Fyrirfram var búst við hörkuviðureign og þær spár gengu eftir.

Sabalenka vann fyrsta settið 7-6 eftir upphækkun, en Gauff snéri dæminu við og fagnaði sigri eftir 6-2 og 6-4 sigra í næstu tveimur settum.

Þetta er annað risamótið sem hin 21 árs gamla Gauff vinnur á ferlinum, en hún fagnaði einnig sigri á Opna bandaríska árið 2023. Þá hafði hún einnig betur gegn Sabalenku í úrslitum.

Tennis

Mest lesið


Fleiri fréttir

Sjá meira


×

Mest lesið