Miðaldra kveikjur: Hlutir sem benda til þess að þú sért miðaldra

Svava Marín Óskarsdóttir skrifar 21. október 2024 07:03

Um og yfir fertugt verða ákveðin kaflaskil í lífi fólks þar sem áherslur, venjur og hegðunarmynstur tekur breytingum. Ný heimilistæki, hreinsiefni og góð tilboð fara að vekja áhuga þinn. Hrukkurnar á enninu eru orðnar dýpri, og kynlífið, sem áður var óvænt skemmtun, verður hluti af vikulegri dagskrá, svo lengi mætti telja.

Hér að neðan eru nokkur atriði sem benda til þess að þú sért miðaldra.

Líkamlegar breytingar

Eru hrukkurnar orðnar fleiri, hárið farið að grána og húðin ekki eins stinn og áður?

Lesgleraugu

Sjónin farin að segja til sín og lesgleraugu orðin nauðsynleg við lestur eða yfir sjónvarpinu á kvöldin.

Þrif og skipulag

Þú ferð að gleðjast yfir góðum blettahreinsi og skipulagsboxum í ískápinn.

Kynlífið á dagskrá

Kynlífið sem áður var óvænt og spennandi er nú orðið hluti af vikulegu skipulagi.

Heimilistæki

Ný heimilistæki vekja mikla lukku, ryksuga, þvottavél og jafnvel rafknúin gluggaskafa.

Ungir læknar og forstjórar

Þegar þér finnst læknar, lögregluþjónar og fólk í forstjórastöðum allt í einu „bara krakkar“.

Helgin heima

Þegar þú velur að vera heima að baka pítsu og horfa á Vikuna með Gísla Marteini í stað þess að fara með vinum þínum í drykk í bæinn. Það er bara svo kósý!

Gísli Marteinn slær á létta strengi í Vikunni á hverju föstudagskvöldi.RÚV

Tískan fer í hringi

Þegar þú sérð tískuna frá því að þú varst unglingur koma aftur. Tískan fer jú í hringi.

Skilríki í ríkinu

Gleðitilfinningin sem fer yfir þig þegar þú ert beðinn um skilríki í ríkinu og þú hugsar: „OK ég er alveg enn með þetta.“

Óskiljanleg nýyrði ungmenna

Þegar þú ert hætt að skilja hvað unga kynslóðin er að segja og nota orð eins og: slay, period, demure og low key.

Þú kvartar meira

Hlutir sem þú tókst ekki eftir hér áður fyrr er farið að fara í taugarnar á þér. Þú ferð að tuða yfir nágrannanum, bílstjóranum sem keyrir of hægt á hægri akrein, háu matarverði eða starfsmanninum í búðinni sem bauð þér ekki góðan daginn.

Forðast háværa staði

Þú forðast háværa og fjölmenna staði, þetta er einfaldlega of mikið áreiti.

Hjónabandið eins og fyrirtæki

Rómantíkin og sambandið á það til að gleymast og eru flest samtölin farin að snúast um börnin og fjárhag heimilins. Líkt og áður segir þarf að setja kynlífið á vikulega dagskrá.