Eastwood kveður kærustu sína Christina Sandera

Eastwood greinir frá þessu í yfirlýsingu til fjölmiðla en veitir engar upplýsingar um það hvernig andlátið bar að.

„Christina var yndisleg og umhyggjusöm kona og ég mun sakna hennar sárlega,“ segir hinn 94 ára Óskarsverðlaunahafi.

Parið hóf samband sitt árið 2014 og fullyrðir bandaríski miðilinn TMZ að þau hafi hisst á Mission Ranch Hotel and Restaurant í bænum Carmel-by-the-Sea í Kaliforníu. Þar gegndi Eastwood stöðu bæjarstjóra en Sandera er sögð hafa starfað sem veitingakona á þessum sögufræga stað.

Fyrir sambandið með Sandera var Eastwood giftur fyrirsætunni Maggie Johnson og þar áður fréttakonunni Dina Ruiz. Þá hafði hann verið í langtímasamböndum með Frances Fisher og Sondra Locke.