Ancelotti á tvö mögnuð þjálfaramet

Hann stýrði þá Real Madrid til 2-0 sigurs á móti Borussia Dortmund í úrslitaleik á Wembley en liðið var að vinna Meistaradeildina í annað skiptið á þremur síðustu árum.

Ancelotti hafði unnið Meistaradeildina þrisvar á þjálfaraferlinum áður en hann tók aftur við Real Madrid, fyrst með Juventus 2003 og 2007 og svo með Real Madrid 2014. Vann hana síðan 2022 eftir sigur á Liverpool í úrslitaleik og svo í fimmta sinn á Wembley í gær.

Ancelotti vann þessa keppni einnig tvisvar sem leikmaður AC Milan eða árin 1989 og 1990.

Hann á nú tvö mögnuð þjálfaramet því hann er líka eini þjálfarinn sem hefur unnið landstitilinn í fimm stærstu deildum Evrópu sem eru Ítalíu (AC Milan 2004), England (Chelsea 2010), Frakkland (Paris Saint Germain 2013), Þýskland (Bayern München 2017) og Spánn (Real Madrid 2022 og 2024).