Af vængjum fram: Grínaðist alltaf með að láta húð­flúra einstefnuskilti á rass­gatið

Þetta er meðal þess sem fram kemur í ellefta og síðasta þætti Af vængjum fram, skemmtiþætti á Vísi í tilefni af forsetakosningum. Þar setjast forsetaframbjóðendur niður og gæða sér á sífellt sterkari kjúklingavængjum á milli þess sem þeir ræða lífið og tilveruna í einlægu spjalli.

„Nú er gott að borða vængi“

Eiríkur Ingi segist yfirleitt vera góður með sterkan mat þó það fari eftir stöðunni á magasýrunum. Eiríkur fer yfir ástæður þess að hann er í forsetaframboði. Hann segist vilja breyta hlutunum og telur forsetaembættið hafa mikil völd.

Eiríkur er fjölskyldufaðir sem flestir kannast við eftir sjóslys sem hann lenti í fyrir tólf árum síðan undan ströndum Noregs þar sem þrír skipverjar Eiríks létust. Honum var bjargað eftir fjóra tíma í sjónum.

Farið er yfir víðan völl í þættinum, einkalíf Eiríks og skoðanir hans á húðflúrum og eina húðflúrið sem hann hefur íhugað að fá sér. Hann ræðir sýn sína á áfengisneyslu, rifjar upp versta sterka matinn sem hann hefur borðað, svarar hraðaspurningum um lýðveldið og nefnir lagið sem honum finnst flottara en þjóðsöngurinn. Þá syngur hann frumsamið lag.

Horfa má á fleiri þætti af skemmtiþættinum Af vængjum fram á sjónvarpsvef Vísis og á Stöð 2+.