Rikki G svaraði kallinu og lét draum Ólafs Jóhanns rætast

„Velkominn til starfa. Það var eiginlega ekkert annað hægt, miðað við öll skilaboðin sem ég fékk,“ segir Rikki í útvarpsþættinum. Ólafur Jóhann verður með vikulegan þátt á FM957 alla laugarda frá klukkan 16 til 18.

FM95Líkt og fram hefur komið hefur það lengi verið draumur Ólafs Jóhanns að verða útvarpsmaður. Hann kom Rikka og öllu starfsfólki stöðvarinnar heldur betur á óvart þegar hann greindi þeim frá því að hann hefði birt flennistór skilaboð til útvarpsmannsins á einu af stærstu auglýsingaskiltum New York borgar.

„Það sem þú þarft að vita þegar þú ferð í atvinnuviðtal er að manneskjan sem er að ráða þig inn má aldrei gleyma þér,“ sagði Ólafur Jóhann við tilefnið. 

Hann var svo tekinn í létt próf og fenginn til að heyra eina af frægustu söngkonum samtímans syngja sitt frægasta lag. Þar var engin önnur en Celine Dion á ferðinni en Ólaf Jóhann grunaði fyrst að þarna væri Jóhanna Guðrún að syngja.