Erlent

Sex­tíu og fjögur skotin til bana í um­sátri

Gunnar Reynir Valþórsson skrifar
Ofbeldið hefur orðið mannskæðara á svæðinu síðustu misserin eftir að skotvopnum tók að fjölga gríðarlega.
Ofbeldið hefur orðið mannskæðara á svæðinu síðustu misserin eftir að skotvopnum tók að fjölga gríðarlega. Vísir/Getty

Að minnsta kosti 64 létu lífið í umsátri sem gert var í fjallahéraði í Papúa Nýju-Gíneu um helgina.

Um átök ættbálka var að ræða og var fólkið allt skotið til bana. Mikil átök hafa verið í fjallahéruðum landsins í áraraðir en þessi árás mun vera sú blóðugasta í langan tíma. Ólögleg skotvopn hafa flætt inn í landið undanfarið sem gerir átökin mun mannskæðari en áður að því er segir í umfjöllun BBC.

Deilur ættbálkanna snúast um skiptingu lands og auðs og í fyrra var ástandið svo eldfimt að lögregla kom á útgöngubanni á svæðinu. Um sautján ættbálkar hafa tekið þátt í átökunum og í síðustu viku var neyðarástandi lýst yfir.

Papúa Nýja-Gínea

Tengdar fréttir

Mest lesið


Fleiri fréttir

Sjá meira


×

Mest lesið