Fótbolti

Selma Sól til Nürnberg

Ingvi Þór Sæmundsson skrifar
Selma Sól Magnúsdóttir er komin til Þýskalands.
Selma Sól Magnúsdóttir er komin til Þýskalands. vísir/hulda margrét

Selma Sól Magnúsdóttir, landsliðskona í fótbolta, er gengin í raðir Nürnberg í Þýskalandi. Hún hefur leikið með Rosenborg í Noregi undanfarin ár.

Nürnberg greindi frá komu Selmu í dag. Liðið er í ellefta og næstneðsta sæti þýsku úrvalsdeildarinnar með fimm stig, einu stigi frá öruggu sæti. 

Nú er vetrarfrí í þýsku úrvalsdeildinni en næsti leikur leikur Nürnberg er gegn Duisburg 28. janúar. Ingibjörg Sigurðardóttir, samherji Selmu í landsliðinu, er nýgengin til liðs við Duisburg.

Selma, sem er 25 ára, lék með Rosenborg í tvö ár en hún kom til liðsins frá Breiðabliki 2022. Hún varð bikarmeistari með liðinu á síðasta tímabili.

Selma hefur leikið 34 landsleiki og skorað fjögur mörk.

Þýski boltinn Norski boltinn

Mest lesið


Fleiri fréttir

Sjá meira


×

Mest lesið