Osimhen vill fara til Eng­lands í fram­tíðinni

Osimhen hefur verið ein heitasta varan á leikmannamarkaðnum undanfarin ár og orðaður við hvert stórlið á eftir öðru. Líklegasti áfangastaður hefur alltaf þótt enska úrvalsdeildin en vitað er að stórlið þar á borð við, Arsenal, Chelsea, Liverpool og Manchester United hafa sýnt leikmanninum áhuga. 

Í viðtali við Sky Sports þvertók Osimhen fyrir það að hann væri á förum frá Napoli á næstunni. Hann var svo spurður hvort hann hyggðist spila í ensku úrvalsdeildinni síðar meir og svaraði því játandi. 

„Auðvitað, einn daginn, ekki spurning, en núna er ég með aðrar áætlanir fyrir minn feril sem ég hlakka mikið til. En þegar tíminn kemur held ég að allir viti hvað muni gerast.“