Erlent

Fimm um borð í vél strand­gæslunnar fórust

Bjarki Sigurðsson og Atli Ísleifsson skrifa
Allir farþegar farþegavélarinnar komust úr henni á lífi.
Allir farþegar farþegavélarinnar komust úr henni á lífi. EPA/Jiji Press

Fimm sem voru um borð í vél japönsku strandgæslunnar fórust þegar vélin og flugvél Japan Airlines, sem kom til lendingar, rákust saman á Haneda-flugvelli í japönsku höfuðborginni Tókýó í dag.

Þetta staðfesti samgönguráðherra Japans um hádegisbil í dag. Japanskir fjölmiðlar greina frá því að flugstjóri vélarinnar hafi komist lífs af en að hann sé alvarlega slasaður. Hin fimm sem hafi verið um borð hafi öll látist.

Klippa: Logar enn tveimur tímum síðar

Talið er að flugvél strandgæslunnar hafi verið á leið með mat og önnur hjálpargögn á hamfarasvæðið eftir að mikill jarðskjálfti reið yfir í Japanshafi í gær. Skjálftinn var 7,6 að stærð sem reið þar yfir en yfirvöld hafa greint frá því að í það minnsta þrjátíu hafi látið lífið vegna skjálftans. 

Um borð í farþegavélinni voru 379 farþegar auk áhafnar en allir komust út á lífi. Nánari upplýsingar um líðan farþeganna eru ekki til staðar að svo stöddu. 

Forsætisráðherra Japan hefur sent samúðarkveðjur á aðstandendur þeirra sem létust í slysinu. 

Japan Fréttir af flugi

Tengdar fréttir

Flugvél í ljósum logum í Tókýó

Mikill eldur kom upp í flugvél flugfélagsins Japan Airlines eftir lendingu á Haneda-flugvelli í japönsku höfuðborginni Tókýó í dag. Um fjögur hundruð voru um borð í vélinni og tókst að bjarga þeim öllum.

Þrjá­tíu látnir hið minnsta og fjölda enn leitað

Talsmenn yfirvalda í Ishikawa-héraði í Japan hafa staðfest að þrjátíu hið minnsta hafi látið lífið í stóra skjálftanum sem reið í gær og varð til þess að fjöldi bygginga eyðilagðist og flóðbylgja skall á landið. Fjölda fólks er enn leitað.

Mest lesið


Fleiri fréttir

Sjá meira


×

Mest lesið