Stefán Örn og Guðni Kári til OK

Í tilkynningu segir að Stefán Örn hafi starfað í tæknigeiranum frá árinu 1996 og komi til OK frá Marel þar sem hann hafi stýrt IT teymum bæði á Íslandi og í Danmörku. 

„Stefán Örn hefur meðal annars byggt upp og rekið kerfisleiguhýsingar hjá Advania á Akureyri og TRS á Selfossi, fyrst sem tæknimaður og síðar sem tæknistjóri. Stefán Örn er með IT Professional diplómu frá SAIT tækniháskóla í Kanada og stjórnendanámi Háskólans á Akureyri ásamt fjölda af gráðum frá Microsoft.

Guðni Kári Gylfason hefur einnig tekið við stöðu viðskiptastjóra hjá OK. Guðni Kári hefur víðtæka reynslu af tækni, framkvæmdum, sölu og þjónustu en hann hefur starfað í tæknigeiranum frá árinu 2007. Guðni starfaði lengst af hjá Icelandair Hotels þar sem hann vann að uppbyggingu miðlægrar tæknideildar, tók við sem IT Manager og tilheyrði tæknistjóra teymi Icelandair Group. Síðustu ár hefur hann starfað sem tæknilegur rekstrarráðgjafi þar sem að hann hefur brúað bilið milli tækni og reksturs,“ segir í tilkynningunni.