Ráðinn rekstrar­stjóri Al­vot­ech

Þetta kemur fram í tilkynningu frá félaginu til Kauphallar. Þar segir að breytingarnar komi í kjölfar þess að félagið hafi lagt inn endurnýjaða umsókn um markaðsleyfi í Bankaríkjunum fyrir AVT02, fyrirhugaða líftæknilyfjahliðstæðu með útskiptileika við Humira (adalimumab) í háum styrk.

„Faysal hefur verið framkvæmdastjóri verkefnaþróunar Alvotech frá því snemma á þessu ári. Hann hefur jafnframt átt sæti í stjórn Alvotech síðan 2020. Áður gegndi hann ýmsum framkvæmdastjórnarstöðum hjá Alvogen og Synthon. Hann er með meistaragráðu í efnafræði frá Radboud Nijmegen háskólanum og MBA frá Insead.

Haft er eftir Róberti Wessman, stjórnarformanni og forstjóra Alvotech, að það sé sér sönn ánægja að bjóða Faysal velkominn í stöðu framkvæmdastóra rekstrar. „Hann þekkir starfsemi félagsins auðvitað ákaflega vel. Við vorum afar þakklát Hafrúnu þegar hún féllst á að koma til starfa hjá Alvotech á síðast ári og ljá félaginu víðtæka þekkingu og reynslu úr lyfjaiðnaðinum. Brennandi áhugi hennar á framleiðslu- og gæðamálum mun halda áfram að veita okkur innblástur,“ segir Róbert.

Þá er haft eftir Faysal að það sé mikill fengur að fá að taka þátt í einstakri vegferð Alvotech. „Ég hlakka til að halda áfram að vinna með því hæfileikaríka og samhenta teymi sem Alvotech hefur á að skipa og leggja mitt af mörkum til að gera félagið leiðandi á heimsvísu í þróun og framleiðslu líftæknilyfjahliðstæða.“

Alvotech, stofnað af Róberti Wessman, er líftæknifyrirtæki sem einbeitir sér að þróun og framleiðslu líftæknihliðstæðulyfja fyrir sjúklinga um allan heim.