Inga Tinna og Logi Geirs nýtt stjörnupar

Íris Hauksdóttir skrifar 25. júlí 2023 16:27

Inga Tinna Sigurðardóttir stofnandi og framkvæmdarstýra Dineout og Logi Geirsson fyrrum landsliðsmaður í handbolta og einkaþjálfari eru nýtt par.

Inga Tinna og Logi hafa verið að stinga saman nefjum í nokkurn tíma og má með sanni segja að þau séu eitt glæsilegasta par landsins. Bæði hafa getið sér góðs orðs innan sinna starfsgreina, Inga sem frumkvöðull á sviði hugbúnaðarlausna og Logi sem sérfræðingur í handbolta.

Viðskiptablaðið greindi meðal annars frá því að tekjur Dineout, í eigu Ingu, hafi þrefaldast á einu ári en um 250 veitingastaðir á Íslandi hafa tekið upp lausnir Dineout.

Parið á það jafnframt sameiginlegt að hafa bæði ratað inn á lista hér á Vísi á vordögum yfir glæsilegt fólk á lausu. Þar er þeim lýst svona:

Inga Tinna Sigurðardóttir stofnandi og eigandi Dineout.

Athafnakonan Inga Tinna er stofnandi og eigandi Dineout. Hún er lærður verkfræðingur og mikill fagurkeri. Inga hefur hlotið ýmsar viðurkenningar í viðskiptalífinu og er mikið hæfileikabúnt. Skemmtileg og falleg manneskja sem kann að lifa lífinu lifandi. Inga Tinna elskar góðan mat og er að sögn vina sinna falleg að innan sem að utan.

Logi Geirsson handboltakappi og fagurkeri.

Loga þekkja eflaust flestir eftir glæstan feril sem atvinnumaður í handbolta og landsliðsmaður. Í dag starfar hann sem einkaþjálfari og sérfræðingur um handbolta í sjónvarpi á Rúv og Stöð 2 sport. Logi þykir einkar smekklegur til fara og hugar bersýnilega vel að útlitinu.

Ástin og lífið

Tengdar fréttir

Laglegar á lausu

Íslenskar konur eru oft sagðar þær fallegustu í heimi. Við hjá Lífinu á Vísi erum sammála þeirri kenningu. Í samráði við vel valda álitsgjafa settum við saman lista af einhleypum og glæsilegum konum.

28. apríl 2023 09:01

Föngulegir folar á lausu

Íslenskir karlmenn eru misjafnir eins og þeir eru margir. Í samráði við vel valda álitsgjafa settum við saman lista af föngulegum folum sem eiga það sameignlegt að ganga lausir.

15. maí 2023 07:01

„Ég fékk oft að heyra að þetta væri nú frekar bjartsýnt hjá mér“

„Ég hafði stofnað fyrirtækið Icelandic Coupons, sem er afsláttarapp fyrir ferðamenn og Íslendinga árið 2015. Í þeirri vegferð var ég mikið að funda á veitingahúsum landsins. Mér fannst ótrúlegt að sjá hvað voru margar aðferðir notaðar við að halda utan um borðabókanir. Sumir voru með stílabækur, aðrir voru að notast við Word í tölvum og enn aðrir við erlend bókunarforrit og svo framvegis,“ segir Inga Tinna Sigurðardóttir framkvæmdastjóri Dineout um aðdragandann að því að Dineout var stofnað.

13. september 2021 07:01