Lars horfði á lokaæfinguna fyrir Slóvakíuleikinn

Lars var eins og öllum er kunnugt um landsliðsþjálfari Íslands á árunum 2011-16 og kom liðinu á EM 2016 ásamt Heimi Hallgrímssyni. Hann var svo um tíma hluti af þjálfarateymi landsliðsins undir stjórn Arnars Þórs Viðarssonar.

Lars er nú staddur hér á landi vegna umfjöllunar Viaplay um landsleiki Íslands og sá sænski gerði sér ferð niður á Laugardalsvöll til að fylgjast með lokaæfingunni fyrir leikinn gegn Slóvakíu annað kvöld.

Leikur Íslands og Slóvakíu hefst klukkan 18:45 á morgun og verður í beinni textalýsingu á Vísi.