Lífið

Hélt villt sumar­partý í rigningu

Íris Hauksdóttir skrifar
Mikið stuð við dúndrandi tónlist frá frábærum tónlistarmönnum og sumarkokteilum frá Gordons Gin í sumarpartýji Hildar Yeoman um helgina. 
Mikið stuð við dúndrandi tónlist frá frábærum tónlistarmönnum og sumarkokteilum frá Gordons Gin í sumarpartýji Hildar Yeoman um helgina.  Berglaug Petra

Fatahönnuðurinn Hildur Yeoman bauð í sannkallað sumarpartý um helgina en hún er ein af þeim fjöldamörgu listamönnum sem tóku þátt í HönnunarMars.

Gestir og gangandi létu rigningu ekki stoppa sig og stigu dans á miðjum Laugarveginum þar sem Unnsteinn Manuel og Gugusar tóku lagið en plötusnúðurinn Dóra Júlía þeytti skífum.

„HönnunarMars er ótrúlega skemmtileg uppskeruhátíð fyrir hönnuði,“ segir Hildur og bætir við að henni finnist frábært að hátíðin hafi færst fram í maí. „Maí er svo geggjaður mánuður. 

Allt er bjart framundan og flestir komnir í partýgírinn. 

Viðtökurnar við sumarpartýinu okkar voru frábærar en við vildum nýta okkur að verslunin er staðsett á þeim stað Laugarvegarins sem er lokaður fyrir bílaumferð.“

Flíkur fyrir ferðalög um suðrænar slóðir, sundferðir og sumarpartý

Spurð um innblástur segir Hildur línuna snúast um gleði og gaman. „Að þessu sinni er hönnunarteymið spennt að senda þig í ferðalag á leynilegar stendur og í villt sumarpartý í miðnætursólinni. Þetta eru flíkur fyrir ferðalög á suðrænar slóðir, sundferðir og sumarpartý. Innblástur í línuna sem ber nafnið Breeze er sótt til hafsins og þess krafts sem þar býr.“

Sjálf segist hún vera að missa sig úr spenningi fyrir komandi sumri. „Ég er að tapa mér úr hamingju yfir því að sólin sé mætt og mig langar að nýta hvert tækifæri sem gefst til að klæða mig upp í skvísuleg föt og skála við vini mína.

Hér fyrir neðan má sjá myndir af stemningunni.

Unnsteinn Manuel fór á kostum í sumarpartýinu.Berglaug Petra
Mikið stuð við dúndrandi tónlist frá frábærum tónlistarmönnum.Berglaug Petra
Mikið fjör við frumsýningu nýju Breeze fatalínunnar.Berglaug Petra
Fatahönnuðurinn og listakonan Hildur Yeoman ásamt dóttur sinni Draumeyju Þulu.Berglaug Petra
Prent halda áfram að vera stór þáttur í hönnun Hildar Yeoman og bera þau nöfn eins og Shipwreck og Neon Pearl og skapa því óvænta en spennandi tengingu milli hafsins og skærra lita sumarsins.Berglaug Petra
Áhrifavaldurinn og athafnakonan Birgitta Líf skartar sínu fegursta.Berglaug Petra
Eydís í eftirsóttu dressi þar sem innblásturinn er tekin frá hafinu og krafti þess.Berglaug Petra
Selma Lind skartar sætri kúlu í kjól eftir Hildi.Berglaug Petra
Hin unga og efnilega söngkona Gugusar glæsileg í hönnun Hildar.Berglaug Petra
Karítas Lotta stórglæsileg í eiturgrænum kjól eftir Hildi.Berglaug Petra
Claudia Wilson stórglæsileg.Berglaug Petra
Boðið var upp á sumarkokteila frá Gordons Gin.Berglaug Petra
Samkvæmislífið Tíska og hönnun

Tengdar fréttir

Allt í blóma hjá Hildi Yeoman

Hildur Yeoman stóð fyrir sýningunni In Bloom sem var partur af HönnunarMars og fór fram í Höfuðstöðinni. Merkið hefur verið áberandi bæði innan og utan landsteinanna og er þekkt fyrir draumkennd prent, falleg snið og litadýrð. 

Venus Williams valdi Hildi Yeoman fyrir Glamour viðtal

Tennisdrottningin Venus Williams prýðir nýjustu forsíðu tímaritsins Glamour. Það vakti sérstaka athygli okkar á Lífsinu að hún klæddist flíkum frá íslensku versluninni Yeoman í viðtali við Glamour. 

Glys­girni huldu­fólks veitti Hildi Yeoman inn­blástur

Litadýrð, glans og glimmer einkenna nýja línu Hildar Yeoman, Hidden People, sem frumsýnd er þessa dagana á Airwaves. Hátíðarhöld hófust í verslun Yeoman á Laugarveginum í gær þegar tónlistarkonan JFDR spilaði fyrir gesti.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.