Sport

Dagskráin í dag: Olís-deildin, golf og Blast

Hjörtur Leó Guðjónsson skrifar
Hergeir Grímsson mætir uppeldisfélagi sínu í kvöld.
Hergeir Grímsson mætir uppeldisfélagi sínu í kvöld. VÍSIR/HULDA MARGRÉT

Sportrásir Stöðvar 2 bjóða upp á sex beinar útsendingar á þessum síðasta degi marsmánaðar þar sem ber líklega hæst að nefna viðureign Stjörnunnar og Selfoss í Olís-deild karla í handbolta.

Við hefjum þó leik á rafíþróttum þar sem upphitun fyrir Evrópu-undanúrslitin á Blast Premier mótaröðinni í CS:GO hefst klukkan 14:10 á Stöð 2 eSport. Undanúrslitin hefjast svo klukkan 14:30 og klukkan 17:30 mætast Complexity og Imperial áður en Furia mætir EG klukkan 19:30.

Stjarnan og Selfoss eigast svo við í Olís-deild karla í handbolta klukkan 19:20 á Stöð 2 Sport. Selfyssingar sitja í sjötta sæti deildarinnar með 23 stig þegar þrjár umferðir eru eftir, tveimur stigum fyrir ofan Stjörnuna. Liðin eru enn í harðri baráttu um heimaleikjarétt, en nái Selfyssingar að knýja fram sigur er sá draumur Stjörnumanna svo gott sem úti.

Að lokum er svo bein útsending frá DIO Implant LA Open á LPGA-mótaröðinni í golfi frá klukkan 22:30 á Stöð 2 Sport 4.

Dagskráin í dag

Mest lesið


Fleiri fréttir

Sjá meira


×

Mest lesið