Handbolti

Kóreumenn stóðu í Pólverjum í æfingaleik fyrir HM

Hjörtur Leó Guðjónsson skrifar
Pólverjar unnu góðan sigur gegn Suður-Kóreu í kvöld.
Pólverjar unnu góðan sigur gegn Suður-Kóreu í kvöld. Lars Baron/Getty Images

Suður-Kórea mátti þola fjögurra marka tap er liðið mætti Pólverjum í æfingaleik fyrir HM í handbolta, 31-27. Kóreumenn verða með okkur Íslendingum í D-riðli þegar HM hefst eftir tæpar tvær vikur.

Þrátt fyrir að ekki megi lesa of mikið í æfingaleiki í aðdraganda stórmóta geta þeir þó gefið einhverja mynd af því sem koma skal.

Suður-kóreska liðið hefur oft reynst Íslendingum erfitt, en Kóreumen voru þó þremur mörkum undir þegar flautað var til hálfleiks í leik kvöldsins gegn Pólverjum.

Meira jafnræði var með liðunum í síðari hálfleik, en Pólverjar unnu að lokum fjögurra marka sigur, 31-27.

Kóreumenn eiga eftir að leika einn leik enn áður en heimsmeistaramótið verður flautað á, en liðið mætir Túnis á morgun klukkan 14:30.

Handbolti HM 2023 í handbolta

Mest lesið


Fleiri fréttir

Sjá meira


×

Mest lesið