Þóttist hafa gleymt að mæta í Vikuna

„Er þetta í kvöld?“ spurði Haraldur og lét sem hann væri ekki með á nótunum. „Haha! Já! Kemstu?“ svaraði Gísli Marteinn rétt áður en þáttur átti að hefjast. Raunin var hins vegar sú að Haraldur sat inni í förðunarherbergi skælbrosandi og klár í að mæta í þáttinn.

Gísli Marteinn segir frá þessu á Twitter:

„Halli lét mig fá vægt hjartaáfall þegar var bókstaflega korter í þátt í kvöld. Ég var stressaður að stússast þegar ég fékk skilaboðin. Fór strax að gera ráðstafanir og skildi ekki hvernig hann gæti hafa misskilið samskipti okkar. En hann semsagt sat inni í sminki skælbrosandi.“