Lífið

Már kannar hvort blindur maður geti flogið flug­vél

Ellen Geirsdóttir Håkansson skrifar
Már Gunnarsson og hundurinn Lubbi.
Már Gunnarsson og hundurinn Lubbi. Vísir/Egill

Sund- og tónlistarmaðurinn síkáti Már Gunnarsson hefur gert ýmislegt magnað á lífsleiðinni, eins og til dæmis að slá heimsmet í sundi og freistað þess að taka þátt í Eurovision. Nú virðist flugklefinn næsti áfangastaður Más.

Landsmenn þekkja Má ýmist fyrir sund eða söng, nú eða söng á sundlaugarbakkanum. Í dag birti Már myndband á Tiktok þar sem hann hefur fundið nýja áskorun til þess að yfirstíga, hann athugar hvort blindur maður geti flogið flugvél.

Í myndbandinu má sjá Má sitja inni í flugklefa, tilbúinn fyrir flugtak, hann segir reynda flugmenn vera honum til halds og trausts.

@margunnarsson Getur blindur maður stjórnað þotu? let s find out! #fyp #icelandair @icelandairofficial original sound - Már Gunnarsson

Flugferðin virðist ganga vel að mestu en þó eitthvað bras við lendingu.

„Þá vitum við það að blindur einstaklingur getur svo sannarlega flogið þotu bara með smá aðstoð en þetta var allt saman að sjálfsögðu tekið upp og framkvæmt í öruggu umhverfi í flughermi í æfingaraðstöðu hjá Icelandair,“ segir Már í lok myndbandsins.

Myndbandið má sjá hér að ofan.

Sund Tónlist Fréttir af flugi


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.