Sjáðu öll sjö mörkin í endurkomusigri KA gegn ÍBV

Sito kom ÍBV yfir strax á 6. mínútu áður en Ívar Örn Árnason og Nökkvi Þeyr Þórisson skoruðu næstu tvö mörk á 12. og 18. mínútu. Sito jafnaði svo leikinn í 2-2 og Halldór Jón Sigurður Þórðarson kom Eyjamönnum aftur yfir rétt fyrir hálfleik.

Daníel Hafsteinsson og Elfar Árni Aðalsteinsson sáu svo til þess að KA fór með sigur af hólmi með sitthvoru markinu í síðari hálfleik. Lokatölur 4-3 í æsispennandi leik. 

Elfar Árni skoraði sigurmarkið með hælspyrnu eftir afar skemmtilegt samspil KA-inga en öll mörkin sjö má sjá í spilarnum hér að neðan.