Á rúntinum: „Ég vil bara lowkey að einhver sé að stalka mig“

Fyrsta serían hóf göngu sína á Vísi í maí 2021 en umsjónarmaður þáttarins er Bjarni Freyr Pétursson.

Í þáttunum mætti segja að Bjarni fari á nokkurs konar „trúnó“ við þjóðþekkta Íslendinga á rúntinum þar sem farið er yfir persónulegu málin, lífið, starfið og tilveruna. 

Gestir seríu tvö voru þau Glowie, Bassi Maraj, Sólborg, Gunnar Valdimarsson og Gísli Marteinn en hér fyrir neðan má sjá lokaþáttinn. 

Opnaði sig um andlegu málin

Fyrsti gesturinn var tónlistarkonan Glowie, eða Sara Pétursdóttir. Hún opnar sig um andlegu málin, ADHD greiningu, sem hún segist hafa fengið alltof seint, og trúmálin. 

Það er ákveðið öryggi í því að trúa því að það sé eitthvað æðra sem sé að leiðbeina manni í lífinu. En ég er meira fyrir það að trúa á sjálfan mig, ég geti búið til mín örlög.

Bassi og ástin

Annar gesturinn var raunveruleikastjarnan og tónlistarmaðurinn Bassi Maraj, eða Sigurjón Baltasar Vilhjálmsson. Bassi og Bjarni fara út um víðan völl í spjalli sínu og koma meðal annars inn á ástarmálin, sem Bassi segir heldur flókin. 

Hann vilji helst að strákar séu að eltast við hann, en þegar það svo gerist finnist það honum oft á tíðum svo alltof mikið. Sjálfur segist hann ekki vera duglegur að spá í þessum málum, sérstaklega þegar hann fer út á lífið. 

Ef ég er að djamma, það eru nefnilega alltaf allir að djamma og fara heim með einhverjum, ég fer bara niður í bæ til að skemmta mér. Svo bara þegar kvöldið er búið fer ég bara heim, ég er ekkert að pæla í þessum málum.

Betra líf án áfengis

Tónlistarkonan og aktivistinn Sólborg Guðbrandsdótti, eða Sunciti, var þriðji gestur þáttarins. Sólborg segir meðal annars frá ákvörðun sinni að hætta að drekka áfengi sem hafi bætt líf hennar til muna. 

Einnig opnar hún sig um andlegu hliðina viðurkennir að eiga stundum erfitt með skammdegið. 

Ég á auðvelt með að detta í þunglyndisgryfju. Var verri fyrir nokkrum árum síðan en er farin að læra þokkalega á sjálfan mig núna og hvað ég get gert til að tækla þetta.

Léttir að greinast með ADHD

Húðflúrameistarinn, tónlistar- og myndlistarmaðurinn Gunnar Valdimarsson ræðir við Bjarna um æskuna, lífið og tilveruna á einlægum nótum. Hann segir erfitt að upplifa skömm eftir skilnað við barnsmóður sína en eftir skilnaðinn við barnsmóður sína en lífið vera gott í dag. 

Ég er í góðum málum, en það þarf að vinna að því. Það var alls ekki þannig fyrst,

Gísli, bílarnir og eilífa æskan

Gísli Marteinn gerði sér dagamun og skellti sér bara upp í bíl á rúntinn með Bjarna. Hann segir líklega of mikið gert úr því að hann ferðist einungis um á hjóli en dásamar samgöngur með þeim gula góða, Strætó. 

Hann segist vel meðvitaður um forréttindastöðu sína í lífinu og er þakklátur fyrir tækifærin og fólkið í lífinu sínu. 

Aðspurður um unglegt útlit sitt segist hann sjálfur ekki mikið spá í því og viðurkennir að hann vaki helst til of lengi og sofi of lítið. 

Ég fer ekkert sérstaklega vel með mig