Leyfir öðrum að koma illa fram við sig því það þykir svo vænt um það

Steinar Fjeldsted skrifar 25. maí 2022 14:30

Gugusar er átján ára tónlistarkona sem hefur samið sína tónlist sjálf síðan hún var þrettán ára gömul. Hún gaf út fyrstu plötuna sína Listen To This Twice árið 2020 og hefur verið að vinna í næstu plötu síðan.

Gugusar hefur nú gefið út lagið Annar séns.

„Þetta er dans-popp lag sem fjallar um það hvernig fólk leyfir öðrum að koma illa fram við sig ef því þykir vænt um þá. Að geta ekki sleppt manneskjum sem manni þykir vænt og gefa þeim alltaf annan séns þó maður sé meðvitaður um að þær komi ekki endilega vel fram. Þetta er nýr singull af komandi plötu sem ég stefni á að gefa út í lok sumars,“ segir Gugusar.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.

Tónlist