Fótbolti

Sjálfsmark skaut Juventus í undanúrslit

Hjörtur Leó Guðjónsson skrifar
Juventus kom sér í undanúrslit með 2-1 sigri gegn Sassuolo í kvöld.
Juventus kom sér í undanúrslit með 2-1 sigri gegn Sassuolo í kvöld. Valerio Pennicino/Getty Images

Juventus er á leið í undanúrslit ítölsku bikarkeppninnar Coppa Italia eftir 2-1 sigur gegn Sassuolo í kvöld. Ruan Tressoldi reyndist hetja Juventus, en því miður fyrir hann er hann leikmaður Sassuolo.

Paulo Dybala kom heimamönnum í Juventus yfir strax á þriðju mínútu leiksins áður en Hamed Traore jafnaði fyrir gestina tuttugu mínútum síðar. 

Staðan var því 1-1 þegar flautað var til hálfleiks, en sigurmark leiksins var ekki skorað fyrr en tveimur mínútum fyrir lok venjulegs leiktíma.

Þar var á ferðinni Ruan Tressoldi, en eins og áður segir setti hann boltann í eigið net og tryggði þar með heimamönnum í Juventus 2-1 sigur.

Juventus er því á leiðinni í undanúrslit þar sem Fiorentina bíður þeirra, en Sassuolo situr eftir með sárt ennið.

Ítalski boltinn

Mest lesið


Fleiri fréttir

Sjá meira


×

Mest lesið