Skipulagsfyrirtæki varð til eftir kulnun

Skáparnir eru allir í rugli og þú finnur aldrei það sem þú leitar að.

Mæðgurnar Heiða B. Heiðars og Brynja Dögg Heiðudóttir tóku ákvörðun að taka málin í sínar hendur og stofnuðu fyrirtæki þar sem hægt er að fá allskonar skipulagsvörur fyrir heimilið svo allt geti verið á sínum stað og ekkert kaos.

Þegar Brynja Dögg var í veikindafríi vegna kulnunar sem hún hafði lent í ákvað hún að nýta tímann í að skipuleggja heimilið og í framhaldi af því búa til netfyrirtæki með skipulagsvörum.

Móðir hennar Heiða fór með henni í að skipuleggja og setja upp heimasíðu og láta þennan draum dótturinnar rætast.

Brynja býður nú upp á aðstoð við skipulagningu heimilisins en Vala Matt ræddi við þær mæðgur í Íslandi í dag á Stöð 2 í gærkvöldi.