Björn og Unnur bæjarlistamenn Garðabæjar

3. júní 2021 10:48

Björn og Unnur ásamt börnum sínum fjórum á spjalli við Gunnar Einarsson bæjarstjóra. Garðabær

Bæjarlistamenn Garðabæjar 2021 eru leikarahjónin Unnur Ösp Stefánsdóttir og Björn Thors en þeim vour veitt verðlaunin við hátíðlega athöfn í gær. Styrkupphæð bæjarlistamanns er 1,5 milljón króna.

Við sama tilefni var Joseph Ognibene hornleikari heiðraður fyrir ómetanlegt starf í þágu menningar og lista en hann fagnar nú 40 ára starfsafmæli á Íslandi. Þá voru styrkir veittir ungum listamönnum í bænum.

Á myndinni eru frá hægri: Gunnar Einarsson bæjarstjóri Garðabæjar, bæjarlistamenn Garðabæjar 2021 Unnur Ösp Stefánsdóttir og Björn Thors ásamt börnum sínum Degi, Birni, Stefáni og Bryndísi, Björg Fenger forseti bæjarstjórnar, Bjarndís Lárusdóttir meðlimur í menningar- og safnanefnd, Ólöf Breiðfjörð menningarfulltrúi, Gunnar Valur Gíslason formaður menningar- og safnanefndar, Þorbjörg Þorvaldsdóttir og Hannes Ingi Geirsson meðlimir menningar- og safnanefndar.Garðabær.is

Félagar Joe úr horndeild Sinfóníuhljómsveitarinnar tóku lagið, þeirra á meðal Heyr himna smiður.Garðabær

Garðabær hefur frá árinu 1992 veitt starfsstyrki til listamanna. Menningar- og safnanefnd gerir tillögur til bæjarstjórnar um úthlutun og koma aðeins til greina þeir listamenn sem búsettir eru í Garðabæ.

Að neðan má sjá lista yfir þá sem hafa hlotið viðurkenninguna.

2019 Bjarni M. Bjarnason rithöfundur
2018 María Magnúsdóttir, söngkona og tónskóld
2017 Pétur Jóhann Sigfússon, leikari, handritshöfundur og grínisti
2016 Andrea Magnúsdóttir fata- og tískuhönnuður
2015 Karólína Eiríksdóttir tónskáld
2014 Soffía Sæmundsdóttir myndlistarmaður
2013 Ingibjörg Guðjónsdóttir söngkona
2012 Þórunn Erna Clausen leikkona
2011 Ómar Guðjónsson tónlistarmaður
2010 Agnar Már Magnússon tónlistarmaður
2009 Laufey Jensdóttir myndlistarmaður
2008 Jóhann Sigurðarsson, leikari
2007 Karl Ágúst Úlfsson, leikari, leikstjóri og rithöfundur
2006 Rúnar Helgi Vignisson rithöfundur og þýðandi
2005 Sigurður Flosason tónlistarmaður
2004 Þuríður Sigurðardóttir myndlistarmaður og söngkona
2003 Erling Jóhannesson, leikari og leikstjóri og Hallfríður Ólafsdóttir flautu- og pikkólóleikari
2002 Björn Thoroddsen tónlistarmaður
2001 Kristín Helga Gunnarsdóttir rithöfundur
2000 Jónína Magnúsdóttir myndlistarmaður og Peter Tompkins tónlistarmaður
1999 Margrét Ólafsdóttir leikari og Steindór Hjörleifsson leikari
1998 Árni Elfar tónlistar- og myndlistarmaður
1997 Ármann Helgason tónlistarmaður og Guðrún E. Ólafsdóttir myndlistarmaður
1996 Arngunnur Ýr Gylfadóttir myndlistarmaður og Guðfinna Dóra Ólafsdóttir kórstjóri
1995 Hildigunnur Halldórsdóttir tónlistarmaður og Sigrún Waage leikari
1994 Edda Jónsdóttir myndlistarmaður og Ragnheiður Jónsdóttir myndlistarmaður
1993 Sigríður Sigurjónsdóttir listhönnuður
1992 Bryndís Halla Gylfadóttir sellóleikari og Pétur Bjarnason myndlistarmaður