Sjáðu mörkin þegar Blikar rúlluðu yfir Stjörnuna

Liðin áttust við í 1.umferð A-deildar Lengjubikarsins í dag og er óhætt að segja að yfirburðir Kópavogsliðsins hafi verið talsverðir.

Í hálfleik var staðan 5-0 fyrir Blikum og áður en yfir lauk hafði heimakonum tekist að koma boltanum alls sjö sinnum í mark Stjörnukvenna.M

Miklar breytingar hafa orðið á leikmannahópi Breiðabliks í vetur og tvær af nýjum leikmönnum liðsins voru á skotskónum í dag; þær Karitas Tómasdóttir og Birta Georgsdóttir en einnig voru Agla María Albertsdóttir og Þórdís Hrönn Sigfúsdóttir á skotskónum.

Öll mörk leiksins má sjá í spilaranum hér að neðan.