Árni Sigurjónsson nýr formaður SI

Árni Sigurjónsson, yfirlögfræðingur Marels, er nýr formaður Samtaka iðnaðarins. Hann bar sigurorð af Guðlaugu Kristinsdóttur, stjórnarformanni Límtré Vírnets og Securitas, í rafrænni atkæðagreiðslu félagsmanna samtakanna sem hófst 14. apríl og lauk í gær. Niðurstöðurnar voru kunngjörðar á aðalfundi SI í morgun. Fráfarandi formaður, Guðrún Hafsteinsdóttir, hafði gegnt stöðunni frá árinu 2014.

Þau Guðlaug og Árni voru ein í framboði til formanns samtakanna og hlaut Árni rétt rúmlega 71 prósent atkvæða. Árni verður því formaður SI fram að Iðnþingi árið 2022.

Árni Sigurjónsson er yfirlögfræðingur Marels og hefur setið í stjórn Samtaka iðnaðarins frá árinu 2016 auk þess að vara varaformaður samtakanna síðastliðin þrjú ár. Þá hefur hann einnig átt sæti í stjórn og framkvæmdastjórn Samtaka atvinnulífsins undanfarin ár.

Jafnframt var kosið til  almennrar stjórnarsetur og var kosið um fimm sæti sem sjö sóttu um Þau sem setjast í stjórn Samtaka iðnaðarins til næstu tveggja ára:

Arna Arnardóttir, gullsmiður

Egill Jónsson, Össur

Margrét Ormslev Ásgeirsdóttir, CRI

Valgerður Hrund Skúladóttir, Sensa

Vignir Steinþór Halldórsson, MótX

Fyrir í stjórn Samtaka iðnaðarins eru:

Ágúst Þór Pétursson, húsasmíðameistari

Guðrún Halla Finnsdóttir, Norðurál

Magnús Hilmar Helgason, Launafl

Sigurður R. Ragnarsson, ÍAV