Borðstofudagar í Vogue fyrir heimilið

Fallegt borðstofuborð er mikil heimilisprýði og þar á fjölskyldan sínar bestu samverustundir. Borðstofudagar standa nú yfir í versluninni Vogue fyrir heimilið og þar er hægt að gera frábær kaup á glæsilegum borðstofuhúsgögnum.

Afsláttur á borðstofuhúsgögnum

„Öll borðstofuborð og stólar eru á 20 % afslætti hjá okkur núna og við vorum að fá til okkar stóra sendingu af nýjum og spennandi borðstofuborðum. Borðin eru á mjög breiðu verðbili og allir ættu að geta fundið eitthvað fyrir sig,“ segir Kolbrún Birna hjá Vogue fyrir heimilið.

„Dökk borðstofuhúsgögn eru mikið í tísku og við eigum margar mismunandi týpur af mjög fallegum borðum og einnig úrval af borðum með stálfótum. Við eigum einnig ljós viðarborð en stór hluti húsgagnanna kemur frá Skandinavíu. Þetta eru gríðarlega fallegar og vandaðar vörur, mörg borðanna eru stækkanleg og möguleikarnir því miklir,“ segir Kolbrún.

„Ég hvet þá sem eru í húsgagnahugleiðingum að kíkja til okkar. Það hefur verið mikill handagangur í öskjunni síðustu vikur og búðin er stútfull af nýjum og fallegum húsgögnum. Það er jú fátt sem sameinar fjölskylduna betur en samverustund á heimilinu.“