Íslenska liðið flýgur fyrr út á EM vegna veðurs

Íslenska landsliðið flýgur til Kaupmannahafnar á miðnætti en ekki klukkan 16:00 á morgun eins og ráðgert var vegna veðurs.

Frá Kaupmannahöfn heldur íslenski hópurinn til Malmö þar sem riðill Íslands á EM 2020 verður leikinn.

Íslenska liðið átti að æfa í síðasta sinn hér á landi í fyrramálið en nú er ljóst að ekkert verður af því.

Fyrsti leikur Íslands á EM er gegn heims- og Ólympíumeisturum Danmerkur á laugardaginn.

Landsliðsþjálfarinn Guðmundur Guðmundsson tilkynnti EM-hópinn í gær. Hann má sjá með því að smella hér.