Jólalag dagsins: Jóhanna Guðrún neglir Vetrarsól Gunna Þórðar

Þriðji desember er runninn upp og því 21 dagur til jóla. Á sjónvarps- og útvarpsvef Vísis má finna fjölmörg hugljúf jólalög sem margir af okkar fremstu listamönnum hafa tekið í gegnum tíðina.

Vísir ætlar að telja niður til jóla með fallegu jólalagi úr safni sínu á hverjum degi.

Í dag býður Vísir upp á lag úr smiðju Gunnars Þórðarsonar og Ólafs Hauks Símonarsonar sem Björgvin Halldórsson gerði frægt. Lagið Vetrarsól. Það er Jóhanna Guðrún, stundum nefnd Celine Dion okkar Íslendinga, sem tekur lagið í þetta skiptið. Upptakan er frá jólatónleikum Fíladelfíu árið 2016.