Ingólfur til starfa hjá Origo

Ingólfur Björn Guðmundsson hefur verið ráðinn forstöðumaður sölu- og vörustýringar hjá þjónustulausnum Origo.

Í tilkynningu segir að Ingólfur hafi unnið við upplýsingatækni í tólf ár, lengst af sem deildarstjóri netkerfa, öryggislausna og símkerfa hjá Símanum og Sensa. Undanfarin ár hafi hann starfað á fjármála- og rekstrarsviði Sensa við umbreytingastjórnun á innri kerfum og ferlum.

„Ingólfur er með með diplóma í multimediadesign frá Nordic Multimedia Academy og BsC í viðskiptafræði, með áherslu á stjórnun og endurskipulagningu fyrirtækja frá Copenhagen Business School. Ingólfur er trúlofaður Unu Björg Guðmundsdóttur, hjúkrunarfræðingi. Hans helstu áhugasvið eru meðal annars snjóbretti og matreiðsla,“ segir í tilkynningunni.