Troðslukonan fékk lengsta bannið fyrir slagsmálin

Brittney Griner, miðherji Phoenix Mercury í WNBA deildinni í körfubolta, var dæmd í þriggja leikja bann fyrir sinn þátt í slagsmálunum í leik Phoenix Mercury og Dallas Wings um síðustu helgi.

Alls voru sex leikmenn reknir út úr húsi í leiknum en hinir leikmennirnir fengu styttra bann. Leikmennirnir sem æstu upp Brittney Griner, Kristine Anigwe og Kayla Thornton, fengu báðar tveggja leikja bann.

Diana Taurasi, stærsta stjarna Phoenix Mercury, fékk eins leiks bann og 500 dollara sekt. Hún var ekki í búningi en hljóp inn á völlinn þegar allt varð vitlaust.

Brittney Griner was hit with the longest suspension, three games, for her role in the WNBA brawl between the Mercury and Wings. https://t.co/m5Hlladpfx

— USA TODAY Sports (@usatodaysports) August 13, 2019

Einn dómari leiksins tókst að halda aftur af Brittney Griner sem gjörsamlega trompaðist. Griner er 206 sentímetrar á hæð og þurfti dómarinn að beita öllum sínum kröftum til að koma í veg fyrir frekar slagsmál.

Brittney Griner var dæmd í lengra bann fyrir að bæði slá til leikmanna og hrinda leikmönnum sem magnaði upp slagsmálin. Hún lét nýliðann Kristine Anigwe hjá Dallas Wings espa sig svona svakalega upp.

Brittney Griner hefur átt frábært tímabil og er stigahæsti leikmaður WNBA-deildarinnar með 19,4 stig í leik. Hún er ein af þeim sem kemur til greina sem besti leikmaður deildarinnar og í stjörnuleiknum á dögunum varð hún sú fyrsta í sögu WNBA til að troða þrisvar sinnum í sama leiknum.

The WNBA has announced player suspensions for the altercation between the Wings and the Mercury on Saturday:

Brittney Griner: 3 games

Kristine Anigwe and Kayla Thornton: 2 games

Diana Taurasi and Kaela Davis: 1 game + $500 fine pic.twitter.com/aaXlQBM8io

— espnW (@espnW) August 13, 2019