Heimir og lærisveinar úr leik en Wolves örugglega áfram

Heimir Guðjónsson og lærisveinar hans í HB frá Þórshöfn eru dottnir úr leik í Evrópudeildinni þetta árið eftir 1-0 tap í síðari leik liðsins gegn Linfield.

Fyrri leikurinn fór fram 2-2 í Færeyjum en liðin mættust á Norður-Írlandi í kvöld. Fyrsta og eina mark leiksins kom á 20. mínútu og Norður-Írarnir því komnir áfram.

Brynjar Hlöðversson var í byrjunarliði HB og spilaði í 60 mínútur áður en hann var tekinn af velli. Evrópuævintýri HB er því búið þetta árið.

Úrvalsdeildarliðið Wolves á Englandi er komið áfram eftir 4-1 sigur á Crusaders í kvöld og samanlagt 6-1. Wolves mætir armenska félaginu FC Pyunik í næstu umferð.