Öruggir sigrar hjá Toronto og Denver sem eru í kjörstöðu

Toronto Raptors og Denver Nuggets eru einum sigri frá því að komast í úrslit sinna deilda í úrslitakeppni NBA.

Toronto flengdi Philadelphia 76ers á heimavelli, 125-89, í Austurdeildinni. Toronto leiðir einvígið, 3-2.

Kawhi Leonard, sem hefur verið magnaður í úrslitakeppninni, skoraði 21 stig og tók 13 fráköst í liði Toronto. Pascal Siakam skoraði 25 stig fyrir Toronto sem náði heljartaki á leiknum með því að vinna 2. leikhluta, 37-17.

Jimmy Butler skoraði 22 stig og gaf sjö stoðsendingar í liði Philadelphia. Annan leikinn í röð náðu Joel Embiid og Ben Simmons sér ekki á strik. Þeir skoruðu aðeins samtals 20 stig.

.@pskills43's 25 PTS & 8 REB propels the @Raptors to a Game 5 victory, and the @Raptors take a 3-2 series lead! #WeTheNorth#NBAPlayoffs

Game 6: Thursday (5/9), 8pm/et, ESPN pic.twitter.com/6OHjaJAJKa

— NBA (@NBA) May 8, 2019

Denver vann öruggan sigur á Portland Trail Blazers, 124-98, í fimmta leik liðanna í Vesturdeildinni. Denver er með forystuna í einvíginu, 3-2, eftir að hafa unnið síðustu tvo leiki.

Nikola Jokic skoraði 25 stig og tók 19 fráköst í liði Denver. Paul Millsap skoraði 24 stig fyrir Denver sem hafði mikla yfirburði inni í teig og vann frákastabaráttuna í leiknum, 62-44.

Damian Lillard skoraði 22 stig fyrir Portland. Hinir fjórir í byrjunarliðinu skoruðu aðeins samtals 27 stig.

Nikola Jokic's 25 PTS, 19 REB & 6 AST and Paul Millsap's 24 PTS & 8 REB propel the @nuggets to a Game 5 victory, taking a 3-2 series lead! #MileHighBasketball#NBAPlayoffs

Game 6: Thursday (5/9), 10:30pm/et, ESPN pic.twitter.com/ZivPv5Zu4Z

— NBA (@NBA) May 8, 2019