Jafnaði met Gabriel Batistuta

Reynsluboltinn Fabio Quagliarella var á skotskónum í ítalska boltanum í gær þar sem hann gerði tvö mörk í 4-0 sigri Sampdoria á Udinese.

Þessi 36 ára gamli Ítali hefur nú skorað í ellefu leikjum í röð í Serie A og er þar með búinn að jafna met Gabriel Omar Batistuta sem skoraði í ellefu leikjum í röð fyrir Fiorentina tímabilið 1994-1995.

Hans bíður krefjandi verkefni til að eigna sér metið því Sampdoria sækir Napoli heim í næstu umferð.

Alls hefur Quagliarella skorað 16 mörk í deildinni í vetur sem gerir hann að markahæsta leikmanni deildarinnar með tveimur mörkum meira en Cristiano Ronaldo og Duvan Zapata.

Quagliarella hefur leikið allan sinn feril á Ítalíu og hefur farið víða en hann hefur leikið með Torino, Juventus, Napoli, Udinese, Ascoli og Fiorentina auk þess að eiga 25 landsleiki fyrir Ítalíu.

Fabio Quagliarella ties Gabriel Batistuta's record for 11 straight games with a goal (1994/95)

He turns 36 in a few days. Absolutely incredible pic.twitter.com/a6Y2utBSyu

— Italian Football TV (@IFTVofficial) January 26, 2019