Brooklyn Beckham kominn á fast

Hinn nítján ára Brooklyn Beckham hefur fundið ástina í örmum fyrirsætunnar Hana Cross. Lengi hefur gengið orðrómur um samband Beckham og Cross, en það er fyrst nú sem þau hafa gert það opinbert.

Bæði hafa þau deilt mynd af hvort öðru á Instagram með einföldu hjarta í myndatexta. Ítrekað hafði sést til þeirra þar sem þau héldust í hendur og þá segir tímaritið Elle  frá því að þau hafi einnig birt „story“ á Instagram þar sem sjást saman, meðal annars í eftirpartýi bresku tískuverðlaunanna (British Fasion Awards) í síðustu viku.

Hin 21 árs Hana Cross starfar sem fyrirsæta hjá fyrirtækinu Select Model Management í London. Meðal annarra fyrirsæta sem starfa hjá skrifstofunni eru þau Agyness Deyn, Pixie Geldof og Sam Rollinson. Cross hefur meðal annars setið fyrir í auglýsingum Topshop, NastyGal og Asos.

 

 

 

View this post on Instagram

 

A post shared by bb (@brooklynbeckham) on Dec 17, 2018 at 10:17am PST

Elle segir frá því að þau Cross og Beckham hafi kynnst fyrir milligöngu Libby Adams, systurdóttur Victoriu Beckham, móður Brooklyn.

Brooklyn, sem er sonur ofurparsins David og Victoria Beckham, starfar sem ljósmyndari. Hann var áður í sambandi við bandarísku leikkonuna og fyrirsætuna Chloë Grace Moretz, en þau slitu sambandinu síðasta vor.

 

 

 

View this post on Instagram

 

A post shared by Hana (@hancross) on Dec 17, 2018 at 10:17am PST