Högni til Advania

Högni Hallgrímsson hefur verið ráðinn forstöðumaður verslana- og afgreiðslulausna Advania.

Í tilkynningu frá fyrirtækinu segir að hann fari fyrir teymi sem veiti stórum og smáum verslunum alhliða þjónustu, svo sem við upplýsingakerfi, vélbúnað og vefverslanir.

„Högni er með Cand. Science gráðu í véla- og iðnaðarverkfræði frá Háskóla Íslands og hefur 18 ára reynslu af stjórnun og innleiðingu upplýsingakerfa. Hann starfaði áður hjá Össuri en lengst af hjá LS Retail þar sem hann vann í 15 ár, meðal annars sem framkvæmdastjóri ráðgjafasviðs,“ segir í tilkynningunni.