Snapparar: Binni Löve hætti í háskóla og er núna með hærri laun en mamma

Brynjólfur Löve Mogensen - binnilove á Snapchat - er líklega einn fyrsti atvinnusnappari landsins.

Eins og fram kemur í myndbandinu sem hér fylgir hætti hann í háskólanámi í viðskiptafræði á sínum tíma og gerðist atvinnusnappari í eitt ár. Hann kveðst hafa haft hærri tekjur en móðir hans á því ári.

Þriðji þáttur Snappara er á dagskrá Stöðvar 2 í kvöld kl. 20. Þar kynnumst við tveimur gerólíkum snöppurum, brimbrettagaurnum Binna Löve sem hikar ekki við að koma nakinn fram og guðfræðinemanum Ernu Kristínu. Umsjón þáttanna er í höndum Lóu Pind Aldísardóttur, upptökustjórn og klippingu annaðist Lúðvík Páll Lúðvíksson.