Fótbolti

Arnór Ingvi til Malmö

Ingvi Þór Sæmundsson skrifar
Arnór Ingvi er kominn aftur í sænsku deildina.
Arnór Ingvi er kominn aftur í sænsku deildina. vísir/ernir
Landsliðsmaðurinn Arnór Ingvi Traustason er genginn í raðir Malmö. Hann skrifaði undir fjögurra ára samning við sænsku meistarana.

Malmö keypti Arnór Ingva frá Rapid Vín. Hann lék með austurríska liðinu á síðasta tímabili. Á þessu tímabili hefur hann verið á láni hjá AEK í Aþenu en fengið sárafá tækifæri með liðinu.

„Malmö er stærsta félagið í Skandinavíu og þegar ég heyrði af áhuga þess vildi ég fara strax þangað. Það er góð tilfinning að þetta sé frágengið,“ er haft eftir Arnóri Ingva á heimasíðu Malmö.

Arnór Ingvi kannast vel við sig í Svíþjóð en hann lék með Norrköping á árunum 2014-16. Arnór Ingvi var stoðsendingahæsti leikmaður sænsku úrvalsdeildarinnar þegar Norrköping varð meistari 2015.

Arnór Ingvi byrjar að æfa með Malmö í byrjun næsta árs. Hann mun spila í treyju númer átta hjá liðinu.

Fótbolti á Norðurlöndum

Mest lesið


Fleiri fréttir

Sjá meira


×

Mest lesið