Sama byrjunarlið og síðast

Heimir Hallgrímsson, þjálfari íslenska karlalandsliðsins í fótbolta, stillir upp sama byrjunarliði gegn Finnum og hann gerði í 1-0 sigrinum á Króötum í júní.

Hörður Björgvin Magnússon, hetjan gegn Króatíu, heldur því stöðu sinni í vinstri bakverðinum.

Emil Hallfreðsson er við hlið Arons Einars Gunnarssonar á miðjunni og Gylfi Þór Sigurðsson er fyrir aftan Alfreð Finnbogason.

Byrjunarlið Íslands er þannig skipað:

Markvörður: Hannes Þór Halldórsson

Hægri bakvörður: Birkir Már Sævarsson

Miðverðir: Kári Árnason og Ragnar Sigurðsson

Vinstri bakvörður: Hörður Björgvin Magnússon

Hægri kantur: Jóhann Berg Guðmundsson

Miðjumenn: Aron Einar Gunnarsson og Emil Hallfreðsson

Vinstri kantur: Birkir Bjarnason

Framherjar: Gylfi Þór Sigurðsson og Alfreð Finnbogason

Leikur Finnlands og Íslands hefst klukkan 16:00. Fylgjast má með leiknum í beinni textalýsingu á Vísi með því að smella hér.