Sport

Anítu boðið á Demantamót í Ósló

Eiríkur Stefán Ásgeirsson skrifar
Aníta Hinriksdóttir vann brons á EM innanhúss.
Aníta Hinriksdóttir vann brons á EM innanhúss. Vísir/AFP
Aníta Hinriksdóttir er með boð um að keppa á hinum frægu Bislett-leikum í Ósló þann 15. júní en mótið er hluti af Demantamótaröðinni í frjálsíþróttum.

Þetta hefur Rúv eftir umboðsmanni hennar, Jasper Buitink, sem bætir við að verið sé að vinna í að koma saman dagskrá fyrir utanhússtímabilið í sumar. Aníta náði frábærum árangri í vetur og vann til bronsverðlauna EM innanhúss í Serbíu.

Sjá einnig: Aníta í skýjunum og ætlar að safna kröftum í snjónum á Íslandi

Aníta keppir líklega á HM fullorðinna í London í ágúst en einnig EM U-23 ára í Póllandi í júlí. Fyrsta mót hennar í vor verður í Kaliforníu í Bandaríkjunum þann 5. maí.

Aníta á eftir að ná lágmarki fyrir HM í sumar en það er sett á 2:01,00 mínútur sem hún hefur verið nálægt á vetrartímabilinu innanhúss.

Frjálsar íþróttir

Tengdar fréttir

Aníta vann bronsverðlaun á EM

Aníta Hinriksdóttir varð þriðja í dag í 800 metra hlaupi kvenna á Evrópumótinu í frjálsum íþróttum í Belgrad í Serbíu.

Bronsverðlaunum Anítu fagnað | Myndir

Boðað var til samkomu í nýja hluta Laugardalshallarinnar í dag til að fagna árangri Anítu Hinriksdóttur sem vann sem kunnugt er til bronsverðlauna í 800 metra hlaupi á EM í Belgrad um helgina.

Mest lesið


Fleiri fréttir

Sjá meira


×

Mest lesið