Toppliðin í Olís-deild karla unnu bæði sjö marka sigur og eru að stinga af

Frændliðin og tvö efstu lið Olís-deildar karla í handbolta, Haukar og valur, unnu bæði leiki sína í 17. umferð deildarinnar í kvöld.

Bæði liðin voru á heimavelli í kvöld en Valsmenn þurftu þó að hafa aðeins meira fyrir hlutunum en Haukar. Valsliðið skoraði sex af síðustu sjö mörkum leiksins og sigurinn var að lokum mjög öruggur.  

Haukar unnu sinn níunda sigur í röð og eru nú með fjögurra stiga forskot á Val á toppnum. Haukaliðið hefur unnið alla leiki sína í deildinni síðan að liðið tapaði fyrir Aftureldingu 12. október síðastliðinn.

Sigur Valsmanna þýðir að Hlíðarendapiltar eru með fjórum stigum meira en Framara sem eru í þriðja sæti deildarinnar en Fram vann botnlið ÍR í kvöld.

Haukar unnu sjö marka sigur á Aftureldingu á Ásvöllum, 26-19, eftir að hafa verið þremur mörkum yfir í hálfleik, 14-11. Janus Daði Smárason og Adam Haukur Baumruk voru markahæstir hjá Haukunum með sex mörk.

Valsmenn unnu á sama tíma sjö marka sigur á FH á Hlíðarenda, 32-25, en Valsmenn voru einu marki yfir í hálfleik, 14-13. Guðmundur Hólmar Helgason átti frábæran leik með Valsliðinu í kvöld og skoraði 11 mörk.



Valur - FH 32-25 (14-13)

Mörk Vals: Guðmundur Hólmar Helgason 11, Sveinn Aron Sveinsson 8, Geir Guðmundsson 6, Alexander Örn Júlíusson 2, Orri Freyr Gíslason 1, Atli Már Báruson 1, Vignir Stefánsson  1, Daníel Þór Ingason  1, Ýmir Örn Gíslason 1.

Mörk FH: Einar Rafn Eiðsson 6, Halldór Ingi Jónasson  5, Andri Berg Haraldsson 4, Jóhann Birgir Ingvarsson 4, Daníel Matthíasson 2, Benedikt Reynir Kristinsson 2, Hlynur Bjarnason 1, Stefán Tómas Þórarinsson 1.



Haukar - Afturelding  26-19 (14-11)

Mörk Hauka: Janus Daði Smárason 6, Adam Haukur Baumruk    6, Tjörvi Þorgeirsson 4, Einar Pétur Pétursson 4, Brynjólfur Snær Brynjólfsson 2, Jón Þorbjörn Jóhannsson 2, Giedrius Morkunas 1, Egill Eiríksson 1.

Mörk Aftureldingar: Árni Bragi Eyjólfsson 5, Birkir Benediktsson 4, Garðar Svansson 3, Þrándur Gíslason 2, Jóhann Jóhannsson 2, Bjarki Lárusson 1, Gunnar Kristinn Þórsson 1, Pétur Júníusson 1.