Fatlað fólk á rétt á að líkamleg og andleg friðhelgi þeirra sé virt

KYNNING: Öryrkjabandalag Íslands skorar þessa dagana á íslensk stjórnvöld að fullgilda samning Sameinuðu þjóðanna um réttindi fatlaðs fólks, eigi síðar en á haustþingi 2015.

Samningurinn er leiðarvísir að því hvernig tryggja skal fötluðu fólki mannréttindi og tækifæri til jafns við aðra í lífinu og gera því þannig kleift að vera virkir þátttakendur í samfélaginu. 151 land hefur fullgilt samninginn. Einungis fjögur Evrópulönd eiga eftir að fullgilda hann, Finnland, Írland, Holland og Ísland.

Lesendur er hvattir til að skrifa undir áskorun til stjórnvalda á síðunni obi.is/askorun.

Öryrkjabandalagið hefur látið gera myndbönd til að styðja við áskorunina og fjallar myndbandið hér að ofan um forræðishyggju.

Forræðishyggja

Í samningi Sameinuðu þjóðanna um réttindi fatlaðs fólk segir:

Fatlað fólk á rétt á að líkamleg og andleg friðhelgi þeirra sé virt. Þá skuldbinda þau ríki sem hafa fullgilt samninginn sig til þess að vinna gegn staðalímyndum og fordómum í garð fatlaðs fólks með því að auka vitund almennings um getu og framlag fatlaðs fólks.

Fatlað fólk og öryrkjar upplifa hins vegar almennt þekkingarleysi á aðstæðum sínum og finnur fyrir forræðishyggju í sínu daglega lífi.